Hinahanap mu baga ang Agenda ni Auroraknights99? Hindi mo ito makikita sa Batangbaler dahil hindi Batangbaler ang gumawa ng agenda. Nakita ku lamang ang blog na iyon sa paghahanap ko ng mga artikulo tungkol sa Baler at Aurora sa internet. Ini-link ko lamang ito kagaya ng madalas kung gawin kung ako ay may nakikitang kahit ano tungkol sa ating bayan. Hindi ku sana aalisin ang link o address ng blog na iyun kaya lamang baka ipagsabi mo na sa Batangbaler mo nakuha. Bahala ka na lang maghanap. Gamitin mo ang Google. Masyadu na tang sikat ang blog na iyun kahit mahigit isang linggo pa lamang. Bagamat pangarap ku ring sumikat ay ayaw ku namang angkinin ang karangalan na di naman sa akin at nararapat lang na ibigay sa totoong may karapatan. Iyan ay si Auroraknights99 na hindi ko kilala kung sino. Wala siyang kinalaman sa Batang Baler. Ang mga panulat niya ay hindi galing sa Batang Baler. May sarili siyang website o blogsite. Kaya siya ang dapat papurihan, parangalan, i-tsismis, pagalitan, bintanign, at mapa-FM. Hindi ako. Nag-iisip pa ako ng sarili kong paraan para sumikat.
At narito ka na rin lamang, alam mo ba:
1. Na ang Batangbaler ay malapit nang mag ika-limang taong kaarawan sa internet. Ito ay nagsimula noong October 4, 2001, noong wala pang internet sa Baler. Sa baging ko pinapadaan ang aking mga post kahit na mabagal ang bandwidth ng baging.
2. Ang Batang Baler ay hindi tungkol sa pulitika at hindi nakikialam sa pulitika. Ito ay karaniwang naglalaman ng mga larawan ng magagandang lugar sa Aurora; mga okasyon kagaya ng Aurora day (2001, 2002, 2003, 2004, 2005, 2006), Pista ng Baler (2001, 2002, 2003, 2004, 2005) at iba pang mga okasyon sa Baler at Aurora; Mga artikulo sa kasaysayan; Mga surfing events; mga balita at iba pa. Makikita mo rin dito ang listahan ng salitang Baler, mga larawan ng mga tiga Baler sa ibat-ibang panig ng mundo, at kung anu-anu pa.
3. Ang baler ay binibisita ng humigit kumulang na 700 hanggang 1,000 beses bawat araw. Sa loob ng isang buwan ay mahigit 10,000 ang bumibisita dito, at mahigit 100,000 bawat taon. Ang Batangbaler ay binisita na ng humigit kumulang na kalahating milyong beses simula noong 2001. Ang mga bumibisita dito ay mula sa lahat ng panig ng mundo - America, Canada, Australia, Japan, Hongkong, Middle East, Switzerland, Israel, China, atbp.
4. Ang Batangbaler ay nabubuhay sa donasyon ng mga tagapagtangkilik nito. Gumagastos ng mahigit 20,000 piso ang Batangbaler bawat taon at lahat na pambayad sa gastusin na ito ay mula sa donasyon ng mga nasisiyahan o tumatangkilik sa website o blog na ito.
5. Ang Batangbaler ay kabilang sa Top 100 ng Pinoytopblogs. Sa libo-libong blog ng mga Pinoy na nagkalat sa internet, ang Batangbaler ay nasa Top 100. (Ngayon ay nasa No. 60)
6. At sa tinagal-tagal na ng Batangbaler na naglalagay ng mga okasyon sa Aurora at Baler at sa ibat-ibang balita at programa ng gobyerno, ay iisang opisyal pa lamang ng gobyerno (nakalipas at kasalukuyan) ang lumapit sa akin at nagpasalamat o pumuri sa aking ginawa. Samantalang nang mag-link (magturo ng address) ako ng isang blog na “kritikal” sa kanilang ginagawa ay pinutakti aku ng kaliwat-kanan na pambibintang mula sa kanila. Talaga nga naman.
Maraming salamat nga pala sa pagbisita, kahit na naliligaw ka lamang.
Ang aking opisyal na pahayag tungkol sa Agenda controversy:
Bagamat akoy naniniwala na lahat ng tao ay may karapatang magpahayag ng opinyon, naniniwala rin ako na sinu mang magpahayag nito ay handang humarap at panindigan ang kanyang sinasabi. Wala akong nakikitang mali sa mga sinulat ni Auroraknights sa kanyang Agenda maliban sa mga personal na pasaring niya. Personal niya o nilang opinyon ang mga ito at karapatan nilang sabihin o isulat ang anumang gusto nila. Ang Batangbaler ay walang kinalaman sa Agenda. Matagal nang ginagawa sa BatangBaler ang maglink o maglagay ng mga internet sites na tungkol sa Baler at Aurora maging ito ay maganda o masama. Kung hindi ako nagkakamali, demokrasya pa naman tayo hanggang ngayon at walang masama sa aking ginawa.
Sa mga suki ng batangbaler: Pasensya na po sa kaunting pasakalye. Pagkatapos nito ay balik na tayo sa dating programa. Tuloy pa rin ang BB hanggat hindi masasa-alang-alang ang aking buhay, trabaho, pamilya at reputsyon. Kung sakaling mawala ang batangbaler ay alam na ninyo ang nangyari.